Metal Lyrica - The Largest Metal Lyrics Archive
 www.metallyrica.com
# A B C D E F G H I J K L M N O P Q R S T U V W X Y Z
Search lyrics by band name or use our Advanced Search engine: 
Advanced Search 


FORGARðUR HELVíTIS LYRICS

Gerningavešur

"Gerningaveður" (2002)

1. Án þess að Depla Auga (Without Blinking an Eye)
2. Baráttusöngur (The Song of Fight)
3. Legsteinn Grafar Minnar (The Tombstone of My Grave)
4. Ferðasýn (Travel Sight)
5. Í Forgarðinum (In Limbo)
6. Fjandafæla (Demon Frighter)
7. Krossfest Börn (Crucified Children)
8. Gerningaveður (Spellstorm)
9. Gelding óskhyggjunnar (Castration of Wishful Thinking)
10. Vítahringur ömurleikans (Vicious Circle)
11. Ljósbrjótur (Light Breaker)
12. Guð er Stærsta Lygi í Heimi (God is the Biggest Lie in the World)
13. Vængbrotnir Englar (Angels with Broken Wings)
14. Tormentor
15. Þar Sem Hamingjan Ræður Ríkjum (Where Happiness Rules)
16. Skuggahiminn (Shadowsky)
17. Eðlislægur Fasismi (Fascist by Nature)
18. Heljarslóð (Path to Hell)







1. Án þess að Depla Auga (Without Blinking an Eye)

Mig langar til að verða hetja
að geta vaðið táradalina
án þess að ljósdepill sjáist í auga
Geta haldið salnum klökkum
án þess að bregða tóni
Mig langar til að geta fagnað
hverjum blóðvelli
án þess að leggja merkingu
í sársauka þeirra sem lifa missinn
Heldur vil ég finna guðina miklast
yfir verkum mínum
þar sem ég geng meðal þeirra nafnlausu
og gef
af tóminu




2. Baráttusöngur (The Song of Fight)

Drekann hættum við aldrei að óttast
fyrr en við höfum gengið gegn eldi hans
og stungið úr honum augun
Augnlaus lærir hann að virða óttann sem við þekkjum alltof vel

Þjófinum mun okkur standa ógn af
þar til við finnum híbýli hans
og rænum hann hverju því sem honum er annt um
Eignalaus lærir hann hve mikils við metum okkar eigur

Við höfum lært til ferðar í þeynum
Við þekkjum þögnina frá þeim sem vaxa af fræi
og nýtum okkur blindu þeirra sem stara í sólina.

Næturhvíslaranum fáum við ekki þaggað niður í
fyrr en við höfum þrætt skuggastígana gegnum svartnættið
og dregið yfir barka hans
Þannig finnum við friðinn sem tilheyrir sálinni

Risinn verður ekki lengur valdsmynd
eftir að við höfum náð að fótum hans
og höggvið á hásinar

Við höfum lært til ferðar í þeynum
Við þekkjum þögnina frá þeim sem vaxa af fræi
og nýtum okkur blindu þeirra sem stara í sólina




3. Legsteinn Grafar Minnar (The Tombstone of My Grave)

Ég er legsteinn þeirrar grafar
sem líf mitt hvílir í
stend yfir hræinu af sjálfum mér

Myrtur af fólki
með annan endaþarm
fyrir neðan nefið

Ég mokaði yfir
með samþykki þess
sem var aldrei spurður

Eru ormarnir í hausnum á mér
að vinna verk sitt of snemma?




4. Ferðasýn (Travel Sight)

Við leggjum í svart fjallið
Ferðahugur okkar
borinn á vængjum óttans
Því hann ætlum við
Heim að sækja
Út úr helli draga
Og yfir rumpinn rista

Of lengi höfum við
Í skugga þessa fjalls
Dregið andann

Þvert yfir mýrina
eltum við draugana
Hvern og einn
skulum við
niður kveða
með þeim galdri
sem býr okkur í brjóstum

Öndum með þokunni.




5. Í Forgarðinum (In Limbo)

Þar ríkir vindur sorgar
Kæfðir kertalogar þrír

Þar lýsir bleikur máni
Stirnir á storð nætur

Þar fann Hel sinn frið
Löngum degi í eilífð lokið

Þar steytti Naglfar á skeri
Brotin borð Rifin segl

Þar reisir enginn valinn
Klofnir skildir Brotin sverð




6. Fjandafæla (Demon Frighter)

Mín sannfæring
að trú
á æðri mátt

Sé draumur
maðka
í svartri mold

Setur
von minni
mörk




7. Krossfest Börn (Crucified Children)

Negld á vandamál þeirra
sem töldu sig hafa þroska til alls

Gegnum barnshendur
standa naglar
hertir í hatri

Gegnum viðkvæm hjörtun
standa hnífar
sem snúast í hvert skipti

Gegnum líf foreldra sinna
sjá þau ekkert
nema afskræmda mynd
af heiminum

Gegnum þá mynd
nær ekki einusinni
lygin um guð




8. Gerningaveður (Spellstorm)

Við erum eldingin
úr hvössu auga himinins
sem kveikir elda
Rödd okkar er
reiði þrumunnar
sem skelfir hjörtun
Andi okkar
er ofsi veðursins
sem molar steininn


Höfuðáttirnar
eiga sér upphaf
okkur í brjósti
Náttúra kúgunar
vekur gerningaveður
til höfuðs hásætum
gegn höfðingjum




9. Gelding óskhyggjunnar (Castration of Wishful Thinking)

Eftir að reiðar konur
brugðu hníf
milli fóta mér
fór ég að efast
um tilgang breytni minnar
Alveg eins og
í tvöþúsundáragömlu sögunni
eru menn ekki spurðir
áður en skellt er á þá
syndum bræðra sinna
En hvern hef ég
til að ásaka
mitt glerhús
þolir ekki grjótkast
frekar en annara
Það er víst allt sama blóðið
sem fyllir vefinn
Í hræsni minni
hef ég skapað mér sakleysi
úr óskhyggju
Skerið
Skerið
þið reiðu konur
It takes a sexist
to kill a sexist




10. Vítahringur ömurleikans (Vicious Circle)

Dansið
Dansið
dans hinna rauðeygðu djöfla
Berjið bumbur
þess gráma
sem litar hvern dag
Hamrið þær
svo svitinn spýtist
þartil engin sól rís lengur
Dragið niður tunglið
til að fullkomna hið algjöra myrkur
Hrækið í blind augu þeirra
sem alsjáandi
brutu reglur einstefnugötunnar
Fyrirlitning ykkar
mun blandast tárum ósýnilega fólksins
Ósýnilega fólksins sem geymir myndir afsakleysinu
sem við áttum öll
Deyið
Deyið
Þið sem varla hafið lifað




11. Ljósbrjótur (Light Breaker)

Á völlum
míns fallna sakleysis
sýna mér
brothætt smáblómin
svört augu sín

Leikur barna
fyllir hlýjar nætur sumars
eiðsvörnu hatri

Þar gengur Ljósbrjótur
gegnum líf mitt




12. Guð er Stærsta Lygi í Heimi (God is the Biggest Lie in the World)

Rætur síðasta hálmstrásins
liggja í annara höndum

Líf mitt er synd
eða játning sakleysingja

Kærleikur minn
skyldurækni

Manngildið mælist
í þjónustulund

Forvitni mín
tilgangslaus

Æðar mínar útstungnar
eftir orðið

Ég verð til
gegnum móðurtölvuna
guð




13. Vængbrotnir Englar (Angels with Broken Wings)

Ekki frekar
en smáfuglarnir
ná vængbrotnir englar
sér á flug

Vængbrotnir smáfuglar
verða fórnarlömb
í sjálfsögðum heimi

Brotnar manneskjur
sem enginn réttir manneskjulím
deyja
eða lifa í pörtum

Er víst að hjörtu
sem slitin eru úr brjóstinu
glati fegurð sinni




14. Tormentor

Á hverjum degi
er mér riðið í rassgat

Ef ég opna augun
eru þau stungin út

Þreifi ég mig áfram
eru fingur mínir brotnir

Líkamsleifar mínar
fá að hanga í snörunni

Mín daglega nauðgun
framkvæmd af hinum getulausu

Kveljarinn
Kvelur mig




15. Þar Sem Hamingjan Ræður Ríkjum (Where Happiness Rules)

Það er hérna
sem hamingjan ræður ríkjum
Hér er höggormurinn halaklipptur
syndin er vort daglegt brauð

Hér kastar ljósið engum skugga
við höfum ekkert að hræðast
Hér leikur önnur tónlist við hlustir
vængstýfðir englar stýra nótum

Hér stígum við dans eftir strengjum
fáum hvergi fallið
Héðan flýja allar pestir
í svörtu blóði er engin næring

Hér við sáum dauðum fræjum
því hér er tímans stundin runnin
Hér er hver annars spegill
ásjónur af engu snertar

Hér er holdið veika farið
leið þess fundin upprunans




16. Skuggahiminn (Shadowsky)

Skuggahiminn
litar land

Mara
dæmdum mætir

ríður
hengdum þjófsnaut

Setur mark
genginni braut

Flug hrafna
kringum bæi

Iður fyrsta vorlambs
skorins

Hafði fregnir hennar
merkt mér

Skuggahimin
litar dag




17. Eðlislægur Fasismi (Fascist by Nature)

Ég hata þá
vegna þess
hvernig þeir níðast á þeim
sem eiga það ekki skilið

Ég fyrirlít þá
vegna þess
að þeir
eru trúir skoðunum sínum

Ég vil drepa þá
vegna þess
sem þeir í blindni sinni eyðileggja

Eins og þeir sá
skulu þeir uppskera
Ég hlýt
að vera
djöfuls fasisti líka




18. Heljarslóð (Path to Hell)

 


Search lyrics by band name or use our Advanced Search engine: 
# A B C D E F G H I J K L M N O P Q R S T U V W X Y Z
  www.metallyrica.com 


Contact e-mail: webmaster@metallyrica.com
Copyright (c) 2007 - Metallyrica.com - All lyrics are the property and copyright of their respective owners.
All lyrics provided for educational purposes and personal use only. Please read the disclaimer.

About Us - Submit Lyrics - Privacy Policy - Disclaimer - Links