Metal Lyrica - The Largest Metal Lyrics Archive
 www.metallyrica.com
# A B C D E F G H I J K L M N O P Q R S T U V W X Y Z
Search lyrics by band name or use our Advanced Search engine: 
Advanced Search 


CERVOHOLICS LYRICS

Juni

"Juni" (2001 EP)

1. Machtlos
2. Hass
3. Fraihait
4. D'Uhr







1. Machtlos

Jedas Mol, wot an Spiagel gsesch
luagsch di a, frogsch di bischs no du
häsch a Falta me, s'intressiarti di nid
s'hät jo müassa cho, sisch dr gliich, was isch das scho
dänksch an früanar, wo no jung bisch gsi
häsch alle ge und jetzt bisch aifach niamard me
wia'nan alta Baum, wo immer dünner wird
du märksch genau, dass aifach kai Chance me kriagsch

Chasch aifach nüt, chasch nüt dafür
chusch nit drus waisch nit worum, doch bisch sicher
as hät an Sinn ... bisch machtlos
chasch aifach nüt, chasch nüt dafür
sisch passiart, wia n'as Rad wo trüllt, hät dr trotzdem
mänga Wunsch erfüllt ... bisch machtlos

All dia Johr wo verfloga sind
du chaschs nid glauba, wärsch gern wider a chliises Kind
dänksch an alti Ziita, häsch brüallt und glacht
wärsch bits gschiider gsi, hätsch viiles andersch gmacht
kännsch Guat und Bös, waisch viili Gschichta
über mänga Mensch, hetsch an Huufa z'prichta
doch jetzt bisch allai, waisch nid wo alli hära sind
wötsch am liabschta weg, aifach flüga mit am Wind




2. Hass

Dia Gschicht fot a viillicht wär waiss, im Land grad näbadra
är schliicht sich a, passend uf, as isch nid nur Bla Bla
a Hand voll Lüt, da Chrais isch chlii, händ ihri Freuda dra
Zerstörigswuat, Juhee, für darno an Orda z'ha

As isch da Hass, as macht kai Spass
d'Angscht chund immer meh
as isch da Hass, as macht im Spass
doch tuat är allna weh

Chum händs da Orda, au so gail, händs s'Gfühl jetzt sind an Ma
doch was zerschtört händ, das gseht niamerd, das got sie nüt me a
dia Menscha duss, wo betroffa sind, intressiared niamerd me
d'Media sind voll, s'Konto au, da Hass dä schrait Juhee

An huufa Sorga, s'Chaos isch gross, dr Uftrag isch verbii
da Frida isch brocha, är hät sin Spass, s'wird nia me wia früanar si
was i will säga, sind so guat, machand das nid no
susch simmer bald, wär waiss, nur für da Hass no do




3. Fraihait

Scho viili Johrzehnt, Unterdrückig und Dehmuat
für öppis wo kai Sinn hät und in allna Herza weh tuat
sie griifend zu da Waffa, sie schmiidend ihri Schwerter
so züchands uf s'Feld, für d'Ehr und d'Fraihait

Alli sind dabi, berait ihras Leba z'ge
für d'Fraihait, wo niamerd me kann neh
sie kämpfend uf am Feld und stärbend für d'Idee
für d'Fraihait, wo niamerd me kann neh

Kamarada z'verlüra, s'Chaos isch gross
lot aim s'Bluat schnell gfrühra, wirsch brutal und gnadalos
durch da Glauba gschtärkt, mit Hass und Wuat
für d'Fraihait z'kämpfa, git wieder neua Muat

Totastilli macht sich brait, dr Hass isch begraba
kai grossas Gschrai, was bliibt sind nur Froga
dr Sieg isch in dr Hand, dia endlosa Wiita
miar sind im fraia Land, uf ewigi Ziita




4. D'Uhr

I träga woni ston, stehts an Uhr bi miar
wiaviel as gschlaga hät, gsehn i genau an iar
as isch an grossa Maischter, wo über ihras Laufa luagt
obwohl ihra Gang nid immer, all mina Wünscha gnüagt

I wöt sie wär doch ganga, a bits schneller a mängem Tag
i wöt sie verzögrat, mängisch ihra raschi Schlag
in mina Liida und Freuda, in Sturm und in dr Rua
was passiert im Läba sie schlot da Takt dazua

Sie schlot am sarg vom Vater, sie schlot mit Fründa a da Bar
sie schlot am Morga vo dr Liabi, sie schlot am Traualtar
sie schlot ar Wiagi vom Kind, sie schlot wills Gott no viil
wenn besseri Täg sölland cho, wia mini Seel as will

Und isch sie au öppa träger gsi, ma hät gmaint sie git uf da Lauf
so ziat sie da Maischter immer wieder güatig uf
und ständ sie aimol still, denn wär sie nümma do
kain andara als dä wo sie füagt, bringt sie wieder zum go

I müasst zum Maischter wandara, dä wohnt am Endi wohl wiit
sicher dussa jensiits vor Erda, sicher döt ir Ewigkait
i gäbt sie im wieder zruck, kann nid andersch so oder so
luag Herr han nüt verdorba, sie isch vo sälber bliiba sto

 


Search lyrics by band name or use our Advanced Search engine: 
# A B C D E F G H I J K L M N O P Q R S T U V W X Y Z
  www.metallyrica.com 


Contact e-mail: webmaster@metallyrica.com
Copyright (c) 2007 - Metallyrica.com - All lyrics are the property and copyright of their respective owners.
All lyrics provided for educational purposes and personal use only. Please read the disclaimer.

About Us - Submit Lyrics - Privacy Policy - Disclaimer - Links